Accessibility links

якшәмбе, 4 декабрь 2016, Казан вакыты 17:14

Ğiraqta şartlawlar 30 keşene üterde, 70-ne yaraladı


Bügen Ğiraqnıñ törle urınnarındağı şartlatularda kimendä 30 keşe hälak buldı, 70-läp keşe yaralandı dielä. İñ yaman şartlaw Şığıylarnıñ izge şähäre Kerbalada buldı. İntixarçı şähär üzägendäge tikşerü qapqası yanında bombalı maşinasın şartlatıp kimendä 20 keşene üterde. Bügen Ğiraqnıñ däwlät televideniese politsiä Bağdadta 43 sivilneñ mäyeten taptı dip xäbär itte. Alar azaplawlardan soñ atıp üterelgän bulırğa oxşıy dielä. Bügen britan xärbiläre kiçä Basra şähärendä bulğan boralaq hälakätendä 5 britan xärbieneñ hälak buluın rasladı. Älege boralaq hälakätennän soñ başlanğan bäreleşlärdä kimendä 5 ğiraqlı üterelde. Bügen Basrada tınıçlıq urnaştı dielä. Säyäsi xällärgä kilgändä, bügen Ğiraqnıñ tönyağındağı Körd öleşendä körd deputatlar ike ayırım cirle xakimiätne beterep berdäm xakimiät tözergä dip tawış birde.

XS
SM
MD
LG