Dönya bankı üzeneñ yaña xisabında ägär dä fälestini idaräse xezmätkärlärenä eş xaqın tülämäw däwam itsä fälestin xakimiäte üz eşçänlege tuqtatırğa mömkin dip kisätä.
Uzğan 2 ayda alarğa eş xaqı kilmäde. Xisapta bu alğa taba da şulay däwam itsä sivil xezmätkärlär eşne tuqtataçaq, iminlek xezmätlärendä tärtip betäçäk dielä.
Fälestindä xakimiätkä suğışçan Xämas xäräkäte kilgännän soñ Yewropa Berlege belän AQŞ Fälestin İdaräsenä tüläwlärne tuqtattı.
Xämas köç qullanudan baş tartırğa häm İzrail däwläteneñ yäşäw xoquqın tanırğa telämi. İzrail dä fälestinlelär isemennän cıyğan tamojnya tüläwlären fälestinlelärgä tapşırunı tuqtattı.
