Accessibility links

якшәмбе, 4 декабрь 2016, Казан вакыты 05:08

Tony Blair xakimiättän kitärçä cıyınmawın belderde


Britaniä premyer ministrı Tony Blair xakimiättän kitärgä cıyınmawın belderde häm üzeneñ Leyboristlar partiäsendäge qayber äğzalarnıñ Blairdan kitü waqıtın bilgelärgä çaqıruın kire qaqtı. Londonda ay sayın ütüçe matbuğat oçraşuında Blair "Xäzer xakimiättän kitü waqıtın bilgeläw barı tik xökümät eşen genä tuqtataçaq, bez alıp bara torğan, Britaniä öçen zarur üzgäreşlärgä qurqınıç tudıraçaq häm şulay itep ilgä zıyan kiteräçäk. Bu spekulyatsiälärne tuqtatmayaçaq, barı tik yaña däräcägä genä kütäräçäk" dide. Bu uzğan atnada cirle saylawlarda Leyboristlarnı yaqlaw kimüe açıqlanğannan soñ xökümättä zur üzgäreşlär başlağan Blairnıñ cämäğätçelekkä berençe şundıy belderüe buldı. Bügen Blair waqıtı citkäç üze xäzerge finans ministrı Gordon Brown almaştırır dip isäpläwen rasladı.

XS
SM
MD
LG