Accessibility links

җомга, 9 декабрь 2016, Казан вакыты 01:10

Xristentko Rusiäneñ demokratiägä tuğrı buluın häm salqın suğış öräklärennän qotıluın tanırğa çaqıra


Rusiä sänäğät häm energiä ministrı Viktor Xristenko dönyanıñ sänäğät üseşe alğa kitkän illäre Rusiäneñ demokratiägä tuğrı buluın häm salqın suğış öräklärennän qotıluın tanırğa tieş dip belderde. Bügen Financial Times gazetında basılğan mäqäläsendä Xristenko AQŞ vitse prezidentı Dick Cheneynıñ Rusiä üzeneñ zur energiä baylıqların säyäsi basım yasaw öçen qullana digän ğäyepläwlärenä qarşı çığa. Germaniäneñ Bild gazetına interviewda AQŞ prezidentı George Bush Rusiä qarşılıqlı işarälär cibärä häm bu AQŞ xökümäten Rusiäneñ matbuğat häm din irekläre, şulay uq başqa irekleklär bulğan çın demokratik ilgä äwerelü niätenä şik belän qararğa mäcbür itä di. Bu äñgämäneñ Aq Yorttağı ölgesenä qarağanda, Bush AQŞ Rusiäneñ üzendäge neft' şirkätlären säyäsi bulırğa oxşağan maqsatlarğa ireşü öçen faydalanuına borçıla dip beldergän.

XS
SM
MD
LG