Accessibility links

шимбә, 10 декабрь 2016, Казан вакыты 08:23

Oktäberskidan Räzinä Sabirova pensiä aqçasına mönäcätlär kassetası çığarğan


Başqortstannıñ Oktäberskiy rayonında yäşäp yatuçı Räzinä Sabirova üzeneñ xäläl pensiä aqçasına mönäcätlär yazdırıp, kassetalar çığara. Başqortstannıñ İleş rayonında tuıp üskän Räzinä xanımğa küptän tügel genä 70 yäş buldı. Läkin ul haman da yäşlärçä citez häm üz yäşennän küpkä yäşräk kürenä. Üze 7 yıl Nurul- islam mädräsäsendä din ğilemenä öyrängän. “Bäyet häm mönäcätlärne äniemnän işetep üstem”,- di ul. Änisennän öyränep üskän mönäcätlärne Räzinä xanım 1992 yıldan birle maxsus cıya häm kassetalar çığarıp yata. Äle, anıñ başqaruında ike kasseta çıqqan. Berse “Mönäcätlär häm bäyetlär” dip atala, ikençese “Cırlarım - yöräk moñnarım” isemle. Tasmalarda, mönäcätlärdän tış törle avtorlar yazğan cırlar da, bäyetlärdä urın alğan. Başqortstan, Tatarstanda uzğan häm Böten soyuz festival'lärendä dä qatnaşıp, lawreat isemnäre alğan Başqortstannıñ atqazanğan mädäniät xezmätkäre Räzinä Sabirova bu könnärdä Azatlıqnıñ Qazan byurosında da buldı. Anıñ belän äñgämäbez icat häm tormış turında bardı.

“ Mönäcätlärne gäzit jurnallardan , dini kalendar’lardan cıyam.

40 yıl xezmätem bar, 50 yıl säxnädä cırladım , 30 yıl buyı Oktäberskiy şähäreneñ tegü fabrikasında eşlädem, xärbi zakazlar ütädek, soldatlarğa, ofitserlarğa kurtkalar tektek, annan soñ balalarğa, olılarğa – plaşçlar tektek. Säxnädä 50 yıl cırlawıma häm üzemä 70яшь tulu uñayınnan şähäremä bäyräm yasap, zur konsert oyıştırdıq. Mine törle mäktäplärgä çaqıralar , yäşlärgä moñım señep qalsın ide digän uylar belän yäşim. Oktäberskiy şähäreneñ maxsus muzıka mäktäbe borınğı xalıq cırların, xalıq yolaların ütäwçe yäşlärne bik yaxşı äzerläp çığara. Aldağı köndä moñnarıbız betmäs dip uylıym, şunsı şatlıqlı , -dide ul .

İnde, Räzinä xanımnıñ ber icat cimeşen dä tıñlap ütik. Ul Qor’änneñ “Äl- fatixa” süräseneñ şiğri tärcemäsen mönäcät itep başqara.

İcat itü läzzäten ber toyğan keşegä yäşlek tä qartlıq ta çik bula almıy torğandır. Menä bit Räzinä apa 70 yäşendä dä icat itüdän tuqtağanı yuq. Pensiä aqçası, älbättä küp tügel, ämma kemgäder ul aşarğa citmäskä dä mömkin , ä Räzinä apa kebeklär anıñ yärdämendä xatta sänğätkä dä ürlilär

Mälikä Basıyr, Qazan

XS
SM
MD
LG