Bäysezlek yaqlı elekke Çeçen citäkçese Aslan Masxadovnıñ ğailäse Finländiädän säyäsi sıyınu sorıy.
Masxadov ğailäse Finländiä prezidentı Tarja Halononeğa humanitar nigezdä sıyınu sorap xat yazğan dip xäbär itelä.
Helsinkidağı räsmilär bu ayda şundıy xat kilüen raslasa da täfsilleräk mäğlümät birüdän baş tarttı.
Masxadov ğailäse xäzer Baqıda yäşi. Dönya Çeçen Kongressı wäkile İsa Axyadov Masxadov ğailäse anda üzlärenä qurqınıç astında dip xis itä dide.
Masxadov ğailäse şulay uq BMOnıñ Qaçaqlar idaräsennän qaçaq statusı aluların belderde.
Masxadov 2005-neñ martında Rusiä iminlek köçläre operatsiäse barışında hälak buldı.
