Accessibility links

шимбә, 3 декабрь 2016, Казан вакыты 16:49

İran prezidentı AQŞ prezidentına yullağan xatta il xalqınıñ uyları yazılğan di


İran prezidentı Mäxmüt Äxmädinicat AQŞ prezidentı George Bushqa yullağan xatınıñ İran xalqı qaraşların çağıldıruı turında belderde. "Bu xatta bez kütärgän närsälär – xalqıbız kütärergä telägän närsälär. Bu alarnıñ küñelen borçığan närsälär. Bu alarnıñ qaraşı, fikerläre häm aşınıçı. İran xalqı dönya problemaların şulay kürä, keşelek dönyası problemaların çişüne şulay kürä" dide Äxämädinicat. Äxmädinicatnıñ Bushqa kiçä yullağan bu xatınıñ eçtälege cämäğätçelekkä äle iğlan itelmäde. Ul könbatış ısulındağı liberalizmnı häm demokratiäne uñışsızlıq dip ğäyepli digän xäbär buldı. Xatnı küzdän kiçergän Associated Press agentlığı xatta şulay uq AQŞnıñ İzrail'ne yaqlawı häm Ğiraqqa bärep kerüe dä ğäyeplänä dielä. Anda İrannıñ atom programması mäs'äläse bik az telgä alına dielä. AQŞ däwlät sekretare Condoleezza Rice bu xatta ber yaña närsä dä yuq dide.

XS
SM
MD
LG