Dönyanıñ iñ quätle illäre citäkçeläre İrannıñ atom programması mäs'äläsenä qarata urtaq stratetiä turında kileşügä ireşä almadı.
Rusiä, Qıtay, Fransiä, Britani, Germaniä häm Yewropa Berlege wäkilläre arasında AQŞ däwlät sekretare Rice citäkçegelendäge söyläşü 8-nçe Mayda New yorkta berniçä säğät däwam itte.
Diplomatlar äytüençä oçraşuda BMO İminlek Şurası rezolütsiä ölgesenä Rusiä belän Qıtaynıñ qarşılığı mäs'äläse çişelämägän. Bu resolütsiä ägär İran uran bayıtu eşen tuqtatu taläbenä buysınmasa aña qarşı çikläwlär kertügä yäki xärbi çaralarğa yul aça.
Söyläşülärdän soñ Qıtay tışqı eşlär ministrı Li Jaoksiñ İrannı BMO atom energiä idaräse belän xezmättäşlekkä çaqırdı häm mäs'älä söyläşülär aşa çişelergä tieş dide. Rusiä tışqı eşlär ministrı Sergey Lavrov söyläşülärne däwam itü öçen şartlar buldırılırğa tieş dide.
