Rusiä prezidentı Vladimir Putin ikençe dönya suğışında ciñü könenä bağışlanğan çığışında Rusiädä neo-natsilarğa häm millärçe ekstremistlarğa çıdamlıq kürsätelergä tieş tügel dide.
Mäskäwdäge xärbi parad başlanğanda çığış yasap Putin "Ciñelgän Natsizm älämnären yañadan kütärergä tırışuçılar, milli doşmanlıq, extremizm, ksenofobiä taratuçılar dönyanı körçekkä, mäğnäsez qan qoyışqa häm räximsezlekkä alıp bara. Şuña kürä faşizmnıñ ciñelüe sabaq bulırğa häm üç alunıñ qotılğısızlığı turında kisätergä tieş" dide.
Mäskäwdä ciñüneñ 61 yıllığına bağışlanğan paratta 6 meñläp xärbi qatnaştı.
