Accessibility links

Кайнар хәбәр

Ciñü bäyräme tämam


Ciñü bäyräme şaqtıy tınıç şartlarda uzdı. Bäyräm çaralarında qatnaşqan respublika Prezidentı Mortaza Räximov bäyräm aldağı yılda zurlap bilgelänäçägen ışandırdı. Ul Başqortstannıñ Rusiägä üz irege belän quşılunıñ 450 yıllığı uñayınnan uzaçaq Ciñü bäyrämendä parad — xärbi yöreş tä bulaçaq dide. Prezident veterannar belän “frontovov 100 gramm” eçte. Mortaza Räximovnıñ bäyräm çaralarında qatnaşuı küp kenä imeş-mimeşlärne taraluğa cawap ta buldı. Yuğisä, xalıqta Prezident insul't alğan, Prezident ülgän digän imeş-mimeşlär taralğan ide. Şul uq könne Mortaza Räximov Sabantuy bäyrämen bilgeläw turında färman imzaladı.

10 nçı may Başqortstan Prezidentı Rusiä Prezidentı Vladimir Putinnıñ Federal' cıyılışqa yıllıq Yullama künderü çarasında qatnaştı.

Başqortstanlılar Yullamağa zur ömetlär bağlıy. Ayıruça demografiäne kütärü, yäş ğailälärne stimullaştıru, bala tabu uñayınnan birelä torğan aqça külämen arttıru kebek ğailägä qağılışlı fikerläre respublikalıylar tarafınnan xuplap qarşı alındı.

XS
SM
MD
LG