Accessibility links

шимбә, 10 декабрь 2016, Казан вакыты 15:47

BMOnıñ Keşe xoquqları şurasına xoquq bozuçı illär dä kerde


Berläşkän Millätlär Oyışmasınıñ ğömüm mäclese BMOnıñ yaña Keşe xoquqları şurasına kerüçe illärne sayladı. Şurağa kerüçe illär arasında keşe xoquqların yaqlaw oyışmaları tarafınnan keşe xoquqların bozuçı bularaq tanılğan illär dip bäyälänüçe däwlätlär dä bar. Alar Kuba, Azärbäycan, Rusiä, Qıtay, Paqstan häm Söğüd Ğärabstanı. Ämma İran, Venetsuela häm Qıtay bu şurağa kertelmägän. Human Rights Watch xoquq yaqlaw oyışmasınıñ advokatlar mödire Mariette Grange Azatlıq radiosına bu saylaw döres yünäleştäge adım buldı dide. "Ğömümän alğanda bez berniçä ay elek isäplägän belän çağıştırğanda qänäğät diärgä bula. Çönki dönyanıñ qayber töbäklärennän qayber iñ töp xoquq bozuçılar bu saylawlarğa üz namzätlären çığarmadı" dide Grange. Şuradağı buşağan urınnarğa Ukraina, Rumıniä, Britaniä, İndoneziä häm Könyaq Afrika kilde.

XS
SM
MD
LG