Accessibility links

якшәмбе, 4 декабрь 2016, Казан вакыты 19:27

Millätçe deputat


Tatarstan parlamentında, rayon häm şähärlär şuralarında milli xäräkättän kürsätelgän deputatlar yuq däräcäsendä. Zamanında BTİÜ räise Marat Mölekov "İttifaq" firqäse citäkçese Fäwziä Bäyrämova, Cälil Säfiullin, Çallı TİÜe aktivistı Nail Mansurov, Baltaçtan Mödärris Şäyxiev 1990-95 yıllarda respubliqa parlamentında eşlädelär. Şuşı yıllarda tatar milli problemaların yuğarı mönbärdän äytä aldılar, üz fikerlären yuğarı dairälärgä, xalıqqa citkerdelär. Bügenge respublika şurasında milli oyışmalarda eşläwçe deputatlar kürenmi. Şulay uq, cirle parlamentlarda da andıylar yuq dip äyter ideñ.Tübän Kama şähärendä beräw bar. Ul-Tübän Qama TİÜ räise häm şähär şurası deputatı Xälil Äyupov. Anıñ deputat bulıp saylanıp, eş alıp baruına yartı yıl buldı. Milli xäräkät wäkilenä şähär parlamentında eşläw, milli ideyälärne kütärü, yaqlaw qıyın tügelme? 6 aylıq xezmät näticäläre xaqında deputat Xälil Äyupov "Azatlıqqa" bolay dide:

-Milli xäräkät keşesenä şähär parlamentında eşläw bik qıyın.

Tübän Qama TİÜ räise, şulay uq şähär şurası deputatı Xälil Äyupovqa mondıy sorawnı da birdem-Milli xäräkättä töşenkelek sizelä kebek- kiläçäkkä nindi fikerdä torasız? Xälil äfände bolay dide.

-Min milli mäs'älädä optimist. Kiläçägebez uñay bulır dip uylıym. Bez soñğı 20 yılda baytaq täcribä tupladıq. Tatar xalqı aldında isemebez bar. Töşenkelekkä, ömetsezlekkä birelergä urın yuq, dip sanıym. Çallı milli xäräkäte wäkilläre belän dä tığız elemtädä, xezmättäşlektä torabız.

Bu süzlärne monnan yartı yıl elek T.Kama şähär şurası deputatı bulıp saylanğan, şähärneñ TİÜ räise Xälil Äyupov äytte.

Ğafiulla Ğaziz

XS
SM
MD
LG