Accessibility links

сишәмбе, 6 декабрь 2016, Казан вакыты 08:42

Tatarstan wäkillelege Polşa tatarları qorıltayına kitte


Bu könnärdä Rusiä töbäklärendä häm qayber çit illärdä tatar mädäniäte häm mäğrifäte belän bäyle çaralar ütä. Alarnıñ iñ zurısı älbättä Pol'şada uza. Biredä 600 yıl elek Baltıyk buyı, Belarusiä häm Pol'şa yaqlarına küçkän qärdäşlär tuğan tellären onıtsa da, milli ğöref – ğädätlären häm İslam dinen onıtmıylar. Alarnıñ çirattağı qorıltayı bik zur waqiğa bulıp tora. Pänceşämbe könne Pol'şanıñ Gdan'ski şähärendä Pol'şa Respublikası tatarları qorıltayı häm Tatar mädäniäte könnäre açıldı. Monda qatnaşu öçen Qazannan Tatarstan wäkillege dä kitte. Delegatsiä sostavına Mädäniät ministrlığınıñ bülek başlığı Liliä Sattarova, Bötendönya tatar kongressınıñ BDB häm çit il tatarları belän eşläw bülege citäkçese Röstäm Gaynetdinov häm ber törkem säğäntqärlär kerä. Tatar mädäniäte könnäre qısalarında Pruşç Gdan'ski häm Mal'bork şähärlärendä Tatarstannan kilgän artistlar qatnaşlığında ike zur konsert ta kürsäteläçäk. Mädäni programmada qatnaşuçılar arasında Tatarstannıñ atqazanğan artistı Aydar Ğabdinov, xalıqara konkurslar lawreatı Liliä Ğöbäydullina häm “Qazan" biü ansamble dä bar. Şunı äytergä kiräk, bu tatar kongressı wäkilläreneñ Pol'şada yäşäwçe millättäşläre yanına berençe baruı. Xätta, 1997 yılda Böyek Litva kenäzlege cirlärendä tatarlarnıñ urnaşuına 600 yıl tulunı bilgeläp ütkändä dä Tatarstannıñ räsmi wäkillege Pol'şağa xätle barıp citmägän ide. Şunnan soñ, Qazannıñ 1000 yıllığı uñayınnan oyıştırılğan bäyräm çaralarında Tatarstan häm Pol'şa arasında mädäni-tarixi xezmättäşlekne torğızu turında kileşü tözelde. Häm Pol'şada yäşäwçe millättäşlärebez Bötendönya tatar kongressı wäkillegen Pol'şa Respublikası tatarlarınıñ qorıltayına çaqırdı. Tatarstannıñ ber delegatsiäse Pol'şa yaqlarında yörsä, ikençese isä Ul'yan şähärenä kitte. Mädäniät ministrlığı xezmätkärläre häm Yoldızlıq balalar festivale lawreatları Yäşlär milli mädäniäte assambleyasında qatnaşa. Şulay uq älege çarağa Äzerbäycan, Belarusiä, İnguşetiä, Almaniädän dä wäkillär çaqırılğan. Mäcles İdel buyı federal' okrugınıñ Etnik mädäniätne häm dinara mönäsäbätlärne üsterü komissiäse utırışında kütärelgän mäsälälärne çişü maqsatın quya. 11 may könne cıyında qatnaşuçılar "V.İ.Leninnıñ tuğan ile" tarixi-memorial' tıyulığına säyäxät yasadılar, ä kiçen Duslıq yortında oçraşuda qatnaştılar. 12 may könne isä, yäşlär "Milli üzençälek häm üzara xörmät", "Ruxi qimmätlär häm milli mädäniät", "Millätara mönäsäbätlärne nığıtuda mädäniätneñ role", "Yäşlär diplomatiäse - duslıq ütkärgeçe" kebek temalarğa tügäräk öställärdä fiker alışaçaq. Gölnaz Şäyxetdin

XS
SM
MD
LG