Accessibility links

якшәмбе, 4 декабрь 2016, Казан вакыты 21:26

Rusiä İranğa qarşı köç qullanu mömkinlegenä qarşı çıqtı


Rusiä İminlek Şurası başlığı İgor İvanov İrannıñ atom programmasına bäyle qarşılıqnı çişü öçen köç qullanu mömkinlegenä qarşı çıqtı. İvanov İranğa qarşı härtörle köç qullanu töbäktä häm annan çittä wäzğiätne şartlatırğa mömkin dide. Bu atnada BMO İminlek Şurasınıñ başqa daimi äğzaları belän söyläşülärdä Rusiä ägär İran uran bayıtunı tuqtatmasa aña qarşı qatı çaralarğa, häm xätta xärbi köç qullanu mömkinlegenä yul açuçı rezolütsiä ölgesenä qarşı çıqtı. İvanov şulay uq NATOnı kiñäytüne däwam itü, anda yaña äğza itep elekke sovet respublikaların alu öçen säyäsi dä, xärbi dä säbäp yuq dide. Ukraina belän Gruziä NATOğa häm Yewropa Berlegenä quşılırğa teläk belderep kilä. Elekke Warşaw kileşüeneñ berniçä äğzası häm Litva, Latvia Estoniä inde NATO äğzası.

XS
SM
MD
LG