Accessibility links

чәршәмбе, 7 декабрь 2016, Казан вакыты 15:45

Möxämmät äl-Baraday İranğa qarşı çikläwlär mäsäläsen kiçekterüne xupladı


BMO atom energiä idaräse başlığı Möxämmät äl-Baraday BMO iminlek şurasınıñ İranğa qarşı çikläwlär kertü mäsäläsen kiçekterüenä xuplaw belderde. Amsterdamda matbuğat oçraşuında Xalıqara atom energiä idaräse başlığı İrannıñ atom programmasına bäyle qarşılıqta ike yaqnı da kompromisqa çaqırdı. Ul şulay uq bu nizağnıñ çişelüenä ömet belän qarawın äytte. BMO İminlek Şurasında İranğa qarşı çikläwlärne yaqlawçı rezolütsiä qabul itelügä ireşä almağan Quşma Ştatlar Yewropadağı berektäşlärenä Tährannı uran bayıtudan tuqtalırğa mäcbür itü planı äzerläw öçen berniçä atna waqıt birde. Tähran urannı atom elektr stansiäse yağulığı itep qullanırlıq däräcädä genä bayıtırğa teläwen, atom qoralında qullanırlıq däräcädä nıq bayıtırğa telämäwen belderep kilä. İrannıñ tıyılğan oppozitsion İreklek xäräkäte citäkçese İbrahim Yazdi Tähran uran bayıtunı tuqtatırğa, üzen atom mäs'äläse nizağına tağın da tiränräk çumudan saqlap qalırğa tieş dide. Yazdi Tähran BMO İminlek Şurasında İranğa qarşı çara mäs'äläse qaralğanda Qıtay belän Rusiäneñ vetosına ömetlänergä tieş tügel dip äytte.

XS
SM
MD
LG