Accessibility links

якшәмбе, 4 декабрь 2016, Казан вакыты 15:15

Ğiraqtağı şığıylar citäkçese Ali äs-Sistani sönni imamnı üterügä protest belderde


Ğiraqnıñ Zöbäyer şähärendä ber sönni imamnı üterügä häm başqa köç qullanularğa rizasızlıq belderep Ğiraq şığıyları citäkçese, ayatulla Ali äs-Sistani şähärdäge barlıq mäçetlärne 3 köngä yabıp torırğa quştı. Äs-Sistani wäkile bu çara şığıylarnıñ sönnilärgä teläktäşlegen kürsätäçäk dide. Älege imam kiçä mäçettän 2 yaqını belän çığıp barğanda üterelgän ide. Mäzhäb-ara bäreleşlärgä cawap bularaq Ğiraq prezidentı Cäläl Talabani kiçä şığıylar belän sönnilärne bu köç qullanularğa qarşı berläşergä çaqırdı. Bügen Bağdadta 2 bomba höcüme 3 amerikan soldatın üterde. Tağın ber bomba höcümendä 5 sivilneñ üterelüe turında xäbär itelä. Ğiraq xökümäte Bağdadtağı iminlek köçlären üzgärtep barlıq politsiä köçlären häm yarımxärbi köçlärne ber citäkçelekkä tuplarğa cıyına. Bu mäshäbara bäreleşlärgä qarşı çara bularaq täqdim itelä. Eçke eşlär ministrlığı räsmie politsiä köçläre yaña uniforma kiäçäk häm bertörle maşinada yöriäçäk dide.

XS
SM
MD
LG