Accessibility links

шимбә, 3 декабрь 2016, Казан вакыты 20:49

12 may - Xalıqara şäfqät tutaşları köne


Tatarstanda bügen 38 meñ şäfqät tutaşı eşli. Hönäri bäyrämnäre uñayınnan respublikanıñ Sälämätlek saqlaw ministrlığınıñ şäfqät tutaşları eşe buyınça baş belgeçe Tat'yana Vanyuşina Tatarstannıñ barlıq şäfqät tutaşların qotladı. Şäfqät tutaşları öçen isä bügen ğädäti kön. Alar armıy-talmıy xezmät itä. Süz dä yuq, alarnıñ eşe bik kiräkle, märxämät, şäfqät belän tulı. Ämma alarğa xörmät, iğtibar citärlekme? Döres, yaña yıldan qayber tabiplarnıñ, şäfqät tutaşlarınıñ xezmät xaqı arttı. Ämma nigezdä bit mediklar elekkeçä xäyerçe qaldı. Şuñadır, respublikada tabiplar, şäfqät tutaşları citmi. Häyer, bu böten Rusiädä şulay. Yäşlär meditsinanı saylarğa aşqınıp tormıy. Bügenge köndä çın-çınlap fidaqär canlı keşe genä meditsinağa kilä häm anda qala aladır.

Uçastok häm başqa qayber tabiplarğa xezmät xaqı arttırılsa da, iñ zur awırlıqnı kütärüçe - awıru yanında kön-tön böterelüçe statsionar şäfqät tutaşlarınıñ xezmät xaqı üzgärmäde. Alar üz xezmät xaqları turında söylärgä oyala xätta. Tatarstannıñ 2нче klinik xastaxanäsendä eşläwçe şäfqät tutaşların tıñlıyq:

-Min urtaça 2,5мең sum alam. Kvarplata tülärgä citä inde ). Aşarğa qalmıy. Minem staj 15 yıl, yuğarı kategoriä bar. Ğailäne tuyındırır öçen ike-öç cirdä eşlärgä turı kilä. Menä berençe maydan xezmät xaqın 11%qa kütärergä wäğdä itälär. Älegä kürmädek bez anı. Häm 200сумга kütärü - ül bernärsä tügel inde. Kön-tön eşlibez inde. Balalarnı kürgänebez dä yuq. Monda yäşlär ozaq tormıy. Yaxşıraq eş tabalar da, kitälär. Monda ğomumän ozaq eşlägän şäfqät tutaşları yuq diärlek.

-Minem oklad 1мең 950сум. 7ел eşlim. 2нче kategoriä belän. Aqçanı beraz arttırsınnar öçen kübräk tönlä eşlärgä turı kilä.

-Aqça citmi inde. Tartıp-suzıp qına citkeräbez.

Respublikanıñ 2 klinik xastaxanäseneñ terapiä häm diagnostika büleklärenä eşläwçe şäfqät tutaşları buldı.

Al'bina Zäynulla

XS
SM
MD
LG