Accessibility links

сишәмбе, 6 декабрь 2016, Казан вакыты 15:16

Qırğız ğäskärläre çik saqçıların ütergän qorallı keşelär belän bäreleşte


Qırğız iminlek köçläre Qırğız-Taciq çigeneñ ike yağında da bügen irtän 5 çik saqçısın ütergän qorallı keşelär belän bäreleşte. Azatlıq xäbärçese äytüençä Üzbäkstan çige yanındağı Tamaşa awılında bügen töştän soñ bulğan bäreleştä 2 qırğız militsionerı yaralandı. Qorallı keşelär şunda qaçqaç iminlek köçläre awılnı çolğap aldı dip xäbär itelä. Bügen üterelgän 5 çik saqçısınıñ 3-se Taciqstannan, 2-se Qırğızstannan. Qorallı keşelär Taciq çik saqçılarınnan 2 distäläp utlı qoral alıp Qırğızstannıñ Batken ölkäsenä qaçtı. Alar ber maşina yörtüçene üterep anıñ maşinasında Tamaşa awılına kitkän.

XS
SM
MD
LG