Accessibility links

Кайнар хәбәр

Rusiädä distäläp yuğarı räsmi eşlärennän alındı


Bügen Rusiäneñ iminlek häm xoquq saqlaw ölkäsendäge berniçä yuğarı citäkçe eşlärennän alındı. Rusiä kiñküläm mäğlümät çaraları prezidentnıñ, premyer minsitrnıñ, eçke eşlär ministrınıñ häm baş prokurornıñ kimendä 10 räsmine eşlärennän alu turında färmannar çığaruı turında belderde. Eştän alınuçılar arasına FSBda terrorğa häm röxsätsez narkotiklar satuğa qarşı köräş öçen cawaplı räsmilär dä, Mäskäw prokurorı urınbasarı da, militsiädäge berniçä yuğarı citäkçe dä, tamojnya räsmiläre dä bar. Alarnıñ eştän alınuına bernindi räsmi añlatma bulmadı. Çärşämbe könne prezident Vladimir Putin yıllıq yullamasında däwlät xezmätkärläre arasında korrupsiägä qarşı köräşne köçäytergä wäğdä birgän ide.
XS
SM
MD
LG