Accessibility links

Кайнар хәбәр

İranda nıq bayıtılğan uran ezläre tabıluı turında xäbär itelä


Venadan kilgän xäbärlärgä qarağanda, BMOnıñ atom tikşerüçeläre İrandağı ber elekke tikşerenü üzäge cihazlarında nıq bayıtılğan uran ezläre tapqan. İran ul urında andıy atom eşçänlege alıp barıluın kire qaqqan ide. Bügen Vienada isemnäre atalmağan berniçä könbatış diplomatı Lavizan Şiyandağı elekke tikşerenü üzägennän alınğan ürnäklärne berençel tikşerü näticälärenä qarağaç İran urannı ni däräcädä bayıtuın yäşerä digän şiklär arta dide. Diplomatlar ul ürnäklärdä urannıñ atom qoralında qullanırlıq däräcädä bayıtılğanmı-yuqmı ikänen äytmäde. Reuters agentlığı belderüençä, bügen Vienadağı ber diplomat bu mäğlümätneñ ähämiäten artıq zuraytıp kürsätmäskä çaqırdı häm bu İrannıñ atom qoralı yasarğa tırışuın raslawçı açıq dälil bularaq qullanıla almıy dide. Ämma bu Tährannıñ Lavizan-Şiyandağı eşçänlek turında kübräk mäğlümät birüenä ireşü öçen basımnı arttıraçaq dide diplomat.
XS
SM
MD
LG