Accessibility links

якшәмбе, 4 декабрь 2016, Казан вакыты 07:07

Ğiraq premyer-ministrı söyläşülär uzdıra


Ğiraqnıñ yaña premyer-ministrı Nuri Kamil al-Mäliki, yaña xökümät tözü turında töp säyäsi köçlär belän söyläşülär alıp bara. Ğiraq parlamentı 14 may yäkşämbe könne yañadan cıyılaçaq. Äl-Mäliki üz namzätlären firqa citäkçelärenä täqdim itäçäk. Xökümätne iğlan itüne kiçekterü säbäpläreneñ berse – Neft häm Eçke eşlär ministrlıqların kem citäkläwe turında kileşmäwçänlek, dip farazlana. Bügen Bağdadta Ğiraqnıñ baş xäkime Midhät al-Mähmüdneñ ulı häm anıñ ike tän saqçısınıñ mäyetläre tabılğan. Xäkim üze dikaber ayında höcümdä isän qalğan ide. Bu könnärdä ike sönni ruxanie üterelde. Bağdadta ber amerikan xärbie şartlap ülde, Hilla şähärendä üz öyendä bulğan şartlawda ber polisiä xezmätkäre häläk buldı.

XS
SM
MD
LG