Accessibility links

җомга, 9 декабрь 2016, Казан вакыты 12:54

Rusiädä yuğarı räsmilär eştän alındı


Comğa könne prezident Vladimir Putin färmanı nigezendä Federal Tamojnya, Federal İminlek Xezmäte FSB, eçke eşlär ministrlığı häm general prokuraturada yuğarı wazifalardağı räsmilär eştän alındı. Annan ike kön genä aldan Putin üzeneñ yıllıq möräcäğätendä korrupsiägä qarşı köräşne näticäleräk alıp barırğa çaqırğan ide. Berniçä keşene wazifadan buşatunı Putin – Rusiädä barğan rişwätçelekkä qarşı kampaniäneñ ber öleşe dip atadı. Korrupsiägä qarşı köräş däwam itäçäk, dide Putin. Prezident tikşerü barışı turında xäbärdar bulğanın äytte. Kaliningradta säfärdä bulğan Rusiä saqlanu ministrı Sergei İvanov, Baltıq buyında hawada, diñgezdä häm cir östendä dä xezmät itä ala torğan ber xärbi bülek tözü kiräklege turında belderde. Rusiäneñ saqlanu köçlären nığıtu kiräklege xaqında şulay uq Putinnıñ yıllıq çığışında telgä alınğan ide. Töbäktä nindi dä bulsa xärbi üzgäreşlär turında İvanov älegä ber ni dä beldermäde.

XS
SM
MD
LG