Accessibility links

пәнҗешәмбе, 8 декабрь 2016, Казан вакыты 23:17

İran İzraildän qala başqa illär belän söyläşülärgä äzer


Iran prezidentı Mähmüd Äxmädinejad İndoneziägä bulğan 5 könlek säfärennän soñ kire Tähranğa qaytıp, İran, tınıç atom programmasın tuqtatunı maqsat itep quyğan ber nindi dä kileşügä barmayaçaq, dip belderde. Kiçä isä, prezident, İran, İzraildän qala - böten illär belän söyläşülärgä äzer, dide.

Könbatış İrannıñ uran bayıtu eşçänlegen tuqtatuın teli. Britaniä, Fransiä häm Germaniä İranğa yaña täqdimnär äzerli. Bu öç ilneñ tışqı eşlär ministrları Yevropa Berlegeneñ tışqı säyäsät başlığı Javier Solana belän berlektä düşämbe, 15 may könne oçraşaçaq. Yaña plan turında älegä ber ni bilgele tügel. Belgeçlär fikerençä, İranğa, üz yağulığın citeşterü urınına atom stansiäläre öçen yağulıqnı çittän satıp alırğa täqdim iteläçäk. Yevropa Berlege monıñ öçen İranğa uñay säwdä şartları, säyäsi garantiälär häm yaña texnoligiälär wäğdä itäçäk, dip farazlana.

İran prezidentı Äxmädinejad, şimbä könne İndoneziädä, söyläşülärgä äzer bulğanın belderde:

"Bez İzraildän tış başqa däwlätlär belän söyläşülärgä häm xezmättäşlekkä äzer."

Anıñ süzlärenä qarağanda, Tähran belän xezmättäşlekneñ iñ yaxşı yulı – "atom qoralın cäyeldermäw kileşüe" nigezendä İrannıñ tınıç atom energiäse citeşterü xoquqın tanu, bulaçaq.

Könbatış üzen koloniälär çorındağı xuca kebek xis itä, yanawlarnıñ faydası bulmayaçaq, dide Äxmädinejad:

"Bezneñ baş östendä bombalar tulı oçqıç oçırtırğa uylağan illär soñınnan bezgä söyläşülär täqdim itsä – bez moña barmıyaçaqbız."

İndoneziädä çaqta İran ilbaşı, AQŞ prezidentı George Bushnıñ anıñ xatına iğtibar birmäwenä borçılu belderde:

"Minemçä Bushqa tarixi mömkinlek birelgän ide, keşe zatı üz tormışında yä döres yulnı, yä yalğış yulnı saylıy."

Bush süzlärenä qarağanda, xatta – "atom programmasın qayçan tuqtatasız" digän sorawğa cawap bulmağan. 8 may könne yazılıp AQŞ prezidentına cibärelgän xat ike ilneñ yuğarı citäkçelege arasında soñğı 27 yılda berençe aralaşu işäräse bulıp tora.

Alsu Qormaş
XS
SM
MD
LG