Accessibility links

пәнҗешәмбе, 8 декабрь 2016, Казан вакыты 03:18

Bağdadta höcümnärdä 25 keşe häläk buldı


Ğiraq başqalasında ber ber artlı bulğan höcümnärdä bügen 60tan artıq keşe yaralandı, 25 keşe häläk buldı. İñ qatı şartlaw Bağdadnıñ xalıqara hawa mäydanına kereştä tikşerü noqtasında buldı, anda 14 keşe ülde. Şartlaw turında polisiä xezmätkäre menä närsä söyläde: "Biredä elektr energiäse ministrınıñ iminlek xezmäte tuqtağan ide, alar yanında maşinağa quyılğan ike bomba şartladı." Şähärneñ fälestin uramında şartlawda 5 keşe häläk buldı. Şimbä könne Baquba şähäre yanında şiğılarnıñ izge urınnarı utqa totıldı. Keşelärgä ziyan kilmäde, ämma Abdulla bin Ali häm Tamim digän häykällär cimerelde. Baqubada sönnilär belän şiğılar arasında kierenkelek arttı. İlneñ könyağındağı Basra şähärendä ike britan ğäskärie häläk bulğan.

XS
SM
MD
LG