Accessibility links

дүшәмбе, 5 декабрь 2016, Казан вакыты 07:36

Advokatlar apellyatsiä birä


Uzğan yılnıñ 8 ğinwarında Bögelmä yanındağı ğaz torbasın şartlatuda ğayeplängän Fänis Şäyxetdinovnıñ, Timur İşmoratovnıñ, Rawil Ğomärovnıñ tuğannarı Tatarstan mäxkämäse qararı belän riza tügellär. Alar Mäskäwgä appelyatsiä biräçäkläre xaqında Azatlıq xäbärçese sorawlarına cawap birgändä dä äyttelär. Lena Şäyxetdinova bolay dide:

- Advokatlar Mäskäwgä appelyatsiä äzerlilär, mäxkämä eşendä ällä ni yaña dälillär kürenmägän, şulay da, şuşı uq eş buyınça uzğan yılnıñ sentäber ayında bulğan mäxkämäneñ prisyajnıy zasedatel'läre ğayıplänüçelärne aqladı. Bıyıl, başqa zasedatel'lär, aprel' häm may ayında ütkän mäxkämä utırışlarında alarnı ğayıplilär. Qayda döreslek, di Lena xanım, ber ük eş buyınça beräwläre aqlıy, ikençeläre xökem itä.

12 mayda Tatarstan mäxkämäse mondıy qarar çığarğan ide-terrorizm öçen Fänis Şäyxetdinovqa 15 yıl yarım, Timur İşmoratovqa 11 yıl, Rawil Ğomärovqa 13 yıl qatı rejimlı törmä.

Düşämbe könne xökem itelüçelärgä tuğannarı belän küreşergä röxsät itelgän. 72 yäşlek Säriä apa, Rawil Ğomärovnıñ änise, bu xaqta işetkäç, tiz arada kibetlärgä çığıp kitkän. Maqsatı-xäläl tawıq, xäläl rizıqlar satıp alıp, Qazanğa xökem itelgännärgä alıp baru. Xäläl aşawlarnı Çallıda köç-xäl belän genä tapqan.

Säriä apanıñ süzlärennän kürengänçä, mäxkämä yullarında yörügä, advokatlar yallawğa pensiä aqçası ğına citmi, aqça yağınnan qıyınlıqqa da tarığan. Aldağı mäxkämä eşlärenä advokat yallıy alırmınmı- diep borçıla ul. Rawil Ğomärovnıñ 5 häm 7 yäşlek, Fänis Şäyxetdinovnıñ 6 yäşlek balaları bar. Ä Timur İşmoratov ğomumän, monnan 2 yıl çaması elek öylängän bulğan, anıñ da balası yäş. Şulay itep, Bögelmä yanındağı şartlaw waqiğasına Tatarstan mäxkämäçeläre üz süzlären äyttelär. Alar süze soñğısı bulmasqa da mömkin, Mäskäwgä apellyatsiä birü- şuña işaräli.

Ğafiulla Ğaziz

XS
SM
MD
LG