Accessibility links

якшәмбе, 4 декабрь 2016, Казан вакыты 11:24

Yevropa Berlege ministrları fälestinnär, Rusiä turında söyläşte


Yevropa Berlege tışqı eşlär ministrları fälestinnärgä yardäm programmaları turında fiker alışa. Maqsat yardämne xalıqqa – Xämäs citäkçelegendäge xökümäten uratıp citkerü. Oçraşu aldınnan berlekneñ tışqı mönäsäbätlär komissionerı Benita Ferrero-Waldner, Yevropa Berlege fälestinnärgä yardäm itergä teli, dip belderde:

"Älege mexanizm älegä waqıtlıça ğına eşliäçäk, bez moña mömkin qädär kübräk ximayäçelär cälep itergä telibez, bälki İzrail, zur ixtimal belän ğäräp xökümätlären dä.Ämma bu açıq bulıp qara, şulay uq başqalar älege wazğiätne niçek küzallıy – bezneñ şunı beläsebez kilä."

Berlekneñ bu täqdime AQŞ, Rusiä häm BMOda yaqlaw taptı. Yevropa Berlege bıyıl fälestinnärgä 100-150 million yevro birergä äzer, dip östäde Ferrero-Waldner. Fälestinärgä yärdämneñ yaña sisteması kiläse ayda ğämälgä keräçäk. Anıñ ozın möddätle buluı – Xämäs xökümäteneñ köç qullanudan baş tartuınnan soñ mömkin bulaçaq. Yevropa Berlege İranğa uran bayıtu programmasın tuqtatu xisabına yärdäm planı äzerli. Berlekneñ tışqı säyäsät başlığı javier Solana süzlärenä qarağanda, planda iqtisadi, yağulıq häm iminlek garantiäläre bar.

XS
SM
MD
LG