Accessibility links

сишәмбе, 6 декабрь 2016, Казан вакыты 11:12

Soçida Putin Abbas, İsxakov belän oçraştı


Fälestinnärgä yardäm mäsäläse turında söyläşülär bügen şulay uq Rusiäneñ könyağındağı Soçi şähärendä dä buldı. Anda Rusiä prezidentı Vladimir Putin fälestin xakimiäte citäkçese Mähmüd Abbas belän oçraştı. Söyläşülär köntärtibendä şulay uq fälestin-İzrail nizağın çişü mäsäläse dä tordı. Abbas Putinğa Rusiäneñ säyäsi häm finans yardäme öçen räxmäten belderde. Putin isä üz çiratında, Abbasnıñ säyäsäten xupladı häm problemalarnı çişüdä yärdäm täqdim itte: "Sez beläsez Rusiä här waqıtta fälestin xalqınıñ ışanıçlı dustı häm partnerı buldı. Aşığıç mäsälälär turında bolay utırıp söyläşä aluıbızğa min bik şat, problemalarnı çişergä yardäm itä alabız."

Rusiä, Xämäsne köç qullanunı tuqtatıp İzrailne däwlät bularaq tanırğa çaqırsa da, AQŞ häm Yevropa Berlegeneñ Xämäs citäklägän xökümätne dönyadan ayırıp izolyasiädä qaldıru tırışlıqlarına xuplaw beldermäde. Soçida prezident Putin bügen şulay uq üzeneñ Rusiäneñ yıraq könçığış federal okrugındağı wäkile Kamil İsxakov belän oçraştı. Söyläşü Koryak awıllarında cir teträwdän soñ tözekländerü eşläre barışı häm 20 millionlıq ziyan turında bulğan.

XS
SM
MD
LG