Accessibility links

шимбә, 10 декабрь 2016, Казан вакыты 04:19

Lukaşenka çit ildä aqçası bulğanın kire qaqtı


Belarus prezidentı Alyaksandr Lukaşenka, çit ildä bank xisapları bulmawın belderde. Yevropa Berlege, Lukaşenka häm Belarusnıñ tağın 30 yuğarı räsmienä belderelgän – säyäxät itü çikläwlärenä östäp çit illärdäge mileklären tuñdıru ixtimalı turında beldergän ide. Lukaşenkanıñ matbuğat xezmäte bügen, prezidentnıñ çit illärdäge aqçaları turındağı mäğlümatne kire qaqtı. Prezident, Yevropa Berlege citäkçelärenä, ägär dä andıy aqçalar tabılsa, anı üzlärenä alırğa kiñäş itkän. Ul arada Lukaşenkanıñ köndäşe, belarus eşquarı Valery Levonevsky ike yıl törmädä utırıp bügen irekkä çıqtı. Törmägä ul 2004nçe yılnıñ sintäberendä Lukaşenkanı "mısqıl itkän" uram qäğäzläre taratqanı öçen yabılğan ide. Uram qäğäzlärendä Lukaşenkanıñ Avstriägä çañğı şuarğa xalıq aqçasına barğanı turında yazılğan ide. Levonevskynı Belarusnıñ könyaqkönbatığındağı Brest şähäre törmäsennän könbatıştağı Slonim şähärenä kiterep şunda aqçasız häm biletsız qaldırğannar.

XS
SM
MD
LG