Çın futbol söyüçelär çärşämbe finalınnan yuğarı däräcäle tamaşa kötä, çönki taqımnarnıñ ikese dä yuğarı sifatlı, zur tizlektäge, höcümçän, matur futbol uynıy. İkeseneñ dä saflarında çın mäğnädä yoldızlar bar. Arsenalda fransuz Thierry Henry, Barselonada – bıyıl dönynıñ iñ osta uyınçısı dip tabılğan braziliäle Ronaldinho.
Tup tügäräk dilär, kemneñ ciñäsen aldan äytü mömkin tügel. Şulay da Barselona diyüçelär kübräk şikelle. Uyın aldınnan ütkän matbuğat oçraşuında, xättä Arsenal höcümçese Henri da köndäşlärenä mädxiä süzläre ıçqındırdı:
"Barselona böyek taqım. Härkemne atap bula – älbättä inde Ronaldinho, Eto, Messi, Xavi, Deco – alar şundıy küp, bu gäcäyep taqım. Läkin bez alardan qurıqmıybız, üzebezneñ uyınnı uynıyaçaqbız, kürerbez" di Arsenal yoldızı fransuz Henri.
Uzğan yılğı finalı da ütä teträndergeç buldı. Liverpul uyınnıñ ikençe yartısında Milan qapqasına 3 tup atıp, axır çiktä eşne penaltiğa citkerep ciñü yawladı.
Arsenal trenerı Fransuz Arsene Wenger süzlärençä, byılğı uyın da bik qızu bulaçaq. "Bik qızıq uyın bulapaq, ike oxşaş stil bäreleşe, yuğarı texnik däräcädä bik tiz uynıy torğan ike taqım. Bu härkem öçen qızıqlı final bulaçaq" di Arsenal trenerı.
Taqımnarnıñ ikese dä yarım-finalların ber tup östenlek belän ciñde. Tamaşaçılar finalda älbättä tup yañğırı kötä. Ämmä Henri süzlärençä, aña niçä tup bulası – bareber, iñ möxime – ciñü.
Ser tügel, çärşämbe könne Parij stadionına tamaşaçılarnıñ zur öleşe ber mogcizağa qarara kiläçäk. Anıñ iseme – Ronaldinho. Matbuğat oçraşuında Ronaldinho säläten kürsätergä äzer buluın äytte. "Bezgä bik siräk yılmaya torğan bäxet yılmaydı - Çempionnar ligası finalında uynaw. Teläk bik köçle, basım-fälän yuq" di Barselona yoldızı Ronaldinho.
Añlaşıla da, Barselonanıñ finalda inde 4 tapqır uynağanı bar. 1992dä ul xättä käsäne ottı. Bıyıl da Katalonnar favorit sanala. Barselonanınñ tağın ber yoldızı, Kameronlı Samuel Eto: "Bez barıbız da bu käsäne qulğa aılrğa xıyallanabız. Ciñü öçen quldan kilgänne eşliäçäkbez. Final ul ğädäti uyın tügel. Monda bar könçe birergä kiräk" di Samuel Eto.
Arsenalnıñ isä bu käsäne qulına totıp qarağın yuq. Barselonanıñ favorit ikänen tanısa da, Arsenal trenerı Wenger çigenergä cıyınmıy. "İmanım kamil, bezneñ şanslar bik yaxşı. Häm bez maqsatıbızğa ireşüebezgä ışanabız" di Arsenal trenerı.
Kötergä küp qalmadı. Qazan Rubinına kilgändä, kiläse sezonda ul da UEFA käsäse öçen köräşep qarıy alaçaq. Öç yıl elek ul bu bäygedän bik irtä töşep qalğan ide, bälki bu omtılışı uñışlıraq bulır. Xäzer taqımda yäş sälätle uyınçılar bar, şul isäptän, Rubinnıñ üzendä tärbiälängän tatar yegetläre. Tik menä Rubinnıñ İnternet säxifäsendä taqımğa bağışlanğan cırlar älegä barıdı da urıs telendä.
ali ğilmi
Tup tügäräk dilär, kemneñ ciñäsen aldan äytü mömkin tügel. Şulay da Barselona diyüçelär kübräk şikelle. Uyın aldınnan ütkän matbuğat oçraşuında, xättä Arsenal höcümçese Henri da köndäşlärenä mädxiä süzläre ıçqındırdı:
"Barselona böyek taqım. Härkemne atap bula – älbättä inde Ronaldinho, Eto, Messi, Xavi, Deco – alar şundıy küp, bu gäcäyep taqım. Läkin bez alardan qurıqmıybız, üzebezneñ uyınnı uynıyaçaqbız, kürerbez" di Arsenal yoldızı fransuz Henri.
Uzğan yılğı finalı da ütä teträndergeç buldı. Liverpul uyınnıñ ikençe yartısında Milan qapqasına 3 tup atıp, axır çiktä eşne penaltiğa citkerep ciñü yawladı.
Arsenal trenerı Fransuz Arsene Wenger süzlärençä, byılğı uyın da bik qızu bulaçaq. "Bik qızıq uyın bulapaq, ike oxşaş stil bäreleşe, yuğarı texnik däräcädä bik tiz uynıy torğan ike taqım. Bu härkem öçen qızıqlı final bulaçaq" di Arsenal trenerı.
Taqımnarnıñ ikese dä yarım-finalların ber tup östenlek belän ciñde. Tamaşaçılar finalda älbättä tup yañğırı kötä. Ämmä Henri süzlärençä, aña niçä tup bulası – bareber, iñ möxime – ciñü.
Ser tügel, çärşämbe könne Parij stadionına tamaşaçılarnıñ zur öleşe ber mogcizağa qarara kiläçäk. Anıñ iseme – Ronaldinho. Matbuğat oçraşuında Ronaldinho säläten kürsätergä äzer buluın äytte. "Bezgä bik siräk yılmaya torğan bäxet yılmaydı - Çempionnar ligası finalında uynaw. Teläk bik köçle, basım-fälän yuq" di Barselona yoldızı Ronaldinho.
Añlaşıla da, Barselonanıñ finalda inde 4 tapqır uynağanı bar. 1992dä ul xättä käsäne ottı. Bıyıl da Katalonnar favorit sanala. Barselonanınñ tağın ber yoldızı, Kameronlı Samuel Eto: "Bez barıbız da bu käsäne qulğa aılrğa xıyallanabız. Ciñü öçen quldan kilgänne eşliäçäkbez. Final ul ğädäti uyın tügel. Monda bar könçe birergä kiräk" di Samuel Eto.
Arsenalnıñ isä bu käsäne qulına totıp qarağın yuq. Barselonanıñ favorit ikänen tanısa da, Arsenal trenerı Wenger çigenergä cıyınmıy. "İmanım kamil, bezneñ şanslar bik yaxşı. Häm bez maqsatıbızğa ireşüebezgä ışanabız" di Arsenal trenerı.
Kötergä küp qalmadı. Qazan Rubinına kilgändä, kiläse sezonda ul da UEFA käsäse öçen köräşep qarıy alaçaq. Öç yıl elek ul bu bäygedän bik irtä töşep qalğan ide, bälki bu omtılışı uñışlıraq bulır. Xäzer taqımda yäş sälätle uyınçılar bar, şul isäptän, Rubinnıñ üzendä tärbiälängän tatar yegetläre. Tik menä Rubinnıñ İnternet säxifäsendä taqımğa bağışlanğan cırlar älegä barıdı da urıs telendä.
ali ğilmi