Accessibility links

якшәмбе, 11 декабрь 2016, Казан вакыты 16:56

Kulayev Beslanda terror ğämäle qıluda ğäyeplände


Vladikavkaz mäxkämäse 2004nçe yılda Beslan mäktäben totıq itep aluda qatnaşqan isän qalğan berdän ber suğışçı Nurpaşi Kulayevnı terror ğämäle qılğan digän qarar çığardı. Kulayev qorallı höcüm näticäsendä keşelärne totıq itep alğan, keşe üterüçe qanunsız törkemneñ äğzası bulğan, dielde. 2004nçe yılnıñ sintäberendä 3 kön däwam itkän mäktäpne totıq alu faciğase Rusiä iminlek köçläreneñ mäktäpkä höcüme häm 330 keşeneñ üleme belän tämamlandı. Häläk bulğannarnıñ yartısı – balalar ide. Rusiädä ülem cäzasına çikläw bulsa da, prokurorlar Kulayevqa ülem cäzası birüne soradı. General prokurorı urınbasarı Nikolay Şepel: "Min ülem cäzası birüne sorıym, qalğanı inde mäxkämä qaramağında, xökem qararın alar çığara." Xökem qararı berniçä könnän iğlan iteler dip kötelä.

XS
SM
MD
LG