Accessibility links

сишәмбе, 6 декабрь 2016, Казан вакыты 05:55

Beslanda totıq aluçı dip ğäyeplängän Nurpaşi Kulayevqa xökem qararı uqıla


Tönyaq Osetiäneñ yuğarı mäxkamäsendä Beslanda isän qalğan berdän-ber totıq aluçı dip şiklänelüçe Nurpaşi Kulayevqa xökem qararı uqıla. Räislek itüçe xäkim mäxkamä 2004-nçe yılnıñ sintäberendä Beslan mäktäbendä totıqlar alunı, Rusiä xärbilären çeçnädän çigenergä mäcbür itü öçen Çeçen separatist citäkçeläre Aslan Masxadov belän Şamil Basayev oyıştırğanlığın açıqladı dide. Sişämbe könne mäxkamä Kulayev terror ğämäle qılğan, keşe ütergän häm qanunsız qorallı törkem äğzası bulğan dip belderde. Mäxkamä qararın uqu berniçä kön däwam itär dip kötelä. Prokurorlar Rusiädä ülem cäzasın ğämälgä quyu tıyılsa da, Kulayevqa ülem cäzası birüne taläp itä. Beslan faciğäsendä 331 keşe hälak buldı, alarnıñ küpçelege balalar. Qorbannarnıñ tuğannarı totıqlarnı qotqaru eşen naçar oyıştırğan öçen xakimiätlärne ğäyepli.

XS
SM
MD
LG