Accessibility links

якшәмбе, 11 декабрь 2016, Казан вакыты 10:59

18 may – Qırım tatarlarınıñ matäm köne


62 yıl elek, 1944 yılnıñ 18 mayında, Stalin ämere belän tatarlar Qırımnan Qazaqstanğa, Sebergä sörgengä cibärelä. Distä-meñnärçä keşe häläk bula. Älegä qädär qırım tatarları tuğan cirlärenä qayta. Qırım tatarları yazmışı turında Qazan jurnalistı Venera Yaqupova teträndergeç kitap çığarğan ide. Ä “Tatarstan yäşläre” gazetası jurnalistı Flyurä Nizamova Qırım tatarlarınıñ faciğäse turında menä närsä söyläde:

Qırım tatarları belän min küptännän qızıqsınam. Alar belän ansambl' oyıştırğan zamannar buldı, bergä cırladıq. Waqıt ütte, ul yegetlär, qızlar Qırımğa qaytıp kitte. Yaña buın kilde. Bezneñ yaqtan alarğa qızıqsınu nişläpter kimede. Çönki elek SSSR zamanı - ul säyäsiläşkän zaman ide. SSSR cimerelde, Qırım tatarları Ukrainada qaldı, bez Rusiädä. Qırımnan bez säyäsi yaqtan yırağaydıq. Qırımdağı millättäşlärebez 1988-1989 yıllarda Üzbäkstannan, Qazaqstannan qayta başladı Qırımğa, ämma bit alarğa cir birmädelär. Alar üz cirlärendä üzlären xuca itep toymıylar.

Ni ğäcäp, min Qırımda nibarı ber tapqır buldım. Ul 1989 yıl ide. İñ qaynar waqıtlar ide. Qırım tatarları mitingкa çığa ide, üz-üzlären yandırğan çaqlar da buldı. Minem küñelemdä Qırım tatarları üzläreneñ moñnarı, iyülläre belän kerep qaldı. Bezneñ Qazan xalqı ul şundıy poşmas bit. Üzebezneke üzebezgä citä dibez. Häm qärdäşlekkä şundıy bitaraflıq kürsätäbez!

“Tatarstan yäşläre” gazetası jurnalistı Flyurä Nizamova buldı.

XS
SM
MD
LG