Accessibility links

пәнҗешәмбе, 8 декабрь 2016, Казан вакыты 19:06

Lavrov Yevropağa Rusiä qaraşların citkerde


Rusiä tışqı eşlär ministrı Sergei Lavrov, Strasburgta Yevropa Parlamentınıñ tışqı eşlär komitetı wäkilläre belän oçraştı. Yabıq işeklär artında uzğan söyläşü waqıtında, Lavrov ağımdağı waqiğälärgä Rusiäneñ qaraşın añlatqan:

"Min bezneñ qaraşnı citkerdem, Rusiädäge soñğı tärräqiät turında sorawlarğa cawap birdem, Rusiäneñ kürşeläre, Yevropa Berlege, bezneñ Yaqın Könçığıştağı xällärgä qaraşnı äyttem, İrannıñ atom programması, keşe xoquqları torışı häm baltıyq buyı däwlätlär belän mönäsäbätlär turında sorawlarğa cawap birdem."

Oçraşuda şulay uq Yevropa Berlege belän Rusiä arasında kiläçäktä xezmättäşlek şartları da tikşerelgän. Mäğlüm bulğança, 2007nçe yılda mondıy xezmättäşlekneñ möddäte çığa. Tışqı eşlär komitetı räise Elmar Brok, yağulıq ölkäsendä iminlek turında da süz buldı, dip belderde. Üz isemen äytergä telämägän Yevropa Berlegendäge ber çığanaq, Lavrov oçraşu waqıtında Mäskäwneñ Moldova häm Belarus säyäsäten yaqladı, keşe xoquqlarınıñ bozıluın kire qaqtı, dip belderde.

XS
SM
MD
LG