Accessibility links

пәнҗешәмбе, 8 декабрь 2016, Казан вакыты 17:26

Fransiä parlamentı qarşılıqlı qanunnı älegä qabul itmäde


Fransiä parlamentı ärmännärgä qarşı genosidnı kire qağıluın cinäyät sanağan qanun ölgesen tikşerüne bilgesez waqıtqa kiçekterde. Qanun ölgesendä, berençe dönya suğışı waqıtında Ğosmanlı törekläre ärmännärne küpläp üterde, häm monı kire qağu – cinäyät dielgän. 5 yıl elek Fransiä ärmännärne küpläp üterüne genosid dip iğlan itkän ide inde. Yaña qanun ölgesendä genosidnı kire qağu öçen ber yıl törmä häm 45 meñ yevro cäza bilgelänü qaralğan. Bügen irtän Fransiä tışqı eşlär ministrı Filippe Douste-Blazy, deputatlarğa möräcäğät itep, qanunnıñ "citdi säyäsi näticäläre" bulırğa mömkin, dip kisätte:

"Bügen sezgä täqdim itelgän tekstqa törek xalqınıñ zur öleşe qarşı çığaçaq. Monıñ citdi säyäsi yoğıntısı bulaçaq, bezneñ Törkiädä genä tügel, böten töbäktä täsirebezne kimetäçäk."

Törkiä premyer-ministrı Recep Tayyıp Erdoğan, älege qanunnı qabul itü – ike il arasın bozaçaq, dip beldergän ide.

XS
SM
MD
LG