Accessibility links

Кайнар хәбәр

Başqortostanda Saksonia köndäre


Alman däwlätenän desant irtänsäk ük kilä başlanı. İñ berense bulıp Öfö aeroportına Saksonianıñ awıl xujalığı häm ekologia ministrı Stanislav Tillex bernisä yarźamsıhı, eşqıuarźar menän kilep töştö. Respublika qunaq qarşılay belä. Säk-säk menän qımıźğa bıl yulı la urın tabıldı. Germania çinovniğınıñ bığa tiklem qımıźźan awıź itkäne bulğandırmı-yuqtırmı, ämmä ul üźenä täqdim itelän hawıttağı qımıźźı esep quyźı.

Oşonda uq respublika matbuğatı xäbärseläre ösön ğäźäti äñgämä. Başqortostan heźgä oqşaymı, bulğanığıź barmı, üź-ara xeźmättäşlekte nisek bahalayhığıź häm başqalar. Stanislav Tillix bıl horawźarğa la layıqlı yawap birä aldı şikelle. İke aralağı xeźmättäşlekteñ artaban tağı la nığıyasağına ömötö barlığın belderźe, Başqortostanda täwge tapqır bulha la, Räsäyźeñ bıl töbäge xaqında yaqşı xäbarźar ikänen äytte. «Başqortostan menän 15 yıl xeźmättäşlek itäbeź. Miñä tiklemge ministr źa respublikağa kilgäne bar. Osraşıuźar barışında ike yäq ösön dä qulay doqumenttar qabul itelerenä, xeźmättäşlekteñ artaban nığıyasağına ömötöböź źur».

Saksonia ministrın qarşılawźı bıl yulı nişläpter wağıraq wazífalı çinovniktarğa quşqandar. Täbiğät resurstarı ministrı urınbaźarı Mixäil Mineyev nemes qunağına säskäälärźe üź qulı menän birewźe xup kürźe, gärsä ergälä möläyem qıźźar torowına qaramaźtan.

Aeroportta qarşı alıuğa qorolğan yahalmalıqtarźan huñ Saksonia delegasiahı irtänge rizıqtan huñ eşkä küste. Täbiğät resurstarı ministrlığında buldı, Öfö däwlät neft-texnik universitetınıñ ekologia yähätenän belem birgän faqültetında taliptar menän osraşı. Äytkändäy, bıyıl köź respublika eqoloğtarı täjribägä öyränew ösön Saksoniağa barasaq. Saksonianıñ başqa wäkildäre premier-ministr Georg Milbrad yetäkselegendä kisen kilep yette. Ular 40-tan aşıu keşe, aralarında xatta DJ-źar źa bar. Uları Başqortostan-Germania yır–moñ forumında sığış yahayasaq ikän. Bına şulay başlanıp kitte Öfölä Saksonia köndäre. Sara barışında törlö ölkälärźäge kileşewźärgä lä qul quyılasaq.

Germania Başqortostandıñ töp partnerźarınıñ berehe. Respublikağa yälep itelgän sit il investisialarınıñ 30 prosentı Germania däwlätenä tura kilä. Başqortostan ayırıusa Saksonia, Baden-Würtenberg, Berlin, Brandenburg yerźäre menän uñışlı xeźmättäşlek itä. İrekle Saksonia däwläte häm Başqortostan arahında sawźa-iqtisadi, fänni-texnik häm mäźäni xeźmättäşlek xaqında kileşew 1992 yılda imzalanğaynı.
XS
SM
MD
LG