Accessibility links

пәнҗешәмбе, 8 декабрь 2016, Казан вакыты 21:13

Tatarstan belän Rusiä arasındağı kileşü Putinğa täqdim itelergä äzer


Tatarstan belän Rusiä arasındağı wäkälätlärne büleşü turındağı kileşü may axırında Vladimir Putinğa imzalawğa bireläçäk ikän. Bu xaqta Kommersant gäcite xäbär itä. Uzğan yılnıñ uktäber ayında uq Tatarstan parlamentı tarafınnan raslanıp Mäskäwgä cibärelgän bu dokument tiräsendä süzlär küp buldı. Federal’ üzäk anı imzalarğa aşıqmaw da kileşü tiräsendä törle imeş-mimeşlärgä nigez birde. Läkin may axırında wazğiät açıqlanır, kileşü premyer-ministr Mixail Fradkov, annarı prezident Vladimir Putin tarafınnan imzalanır dip ömetlänä Tatarstan yağı. Xäyer, federal’ üzäk tarafınnan mondıy quanıçlı ömetlärne aqlaw niätläre xaqında äle berni dä äytmilär. Älegä dokument Rusiä xökümätendä. Anda ul kileşterü, Rusiä qanunnarına turı kilü-kilmäw yağınnan tikşerelä. Şuşı xaqta näticälären Rusiäneñ töbäkara üseş ministrlığında da äzerlilär. Şular barısı da äzer bulıp, kileşü nihayät prezident tarafınnan imzalanğaç, ul Rusiä Däwlät Dumasına federal’ qanun bularaq täqdim iteläçäk.

Gölnaz İlgizär

XS
SM
MD
LG