Accessibility links

шимбә, 3 декабрь 2016, Казан вакыты 20:40

Alademik Mazxarov yäşlärgä ömet bağlıy


Äxmät Mazxarov söyläp tügel, ä küp eşlär başqarıp tanılğan akademik. Matbuğat oçraşuında da ul qupşı süzlärdän qaçtı. Oçraşunı yaña wazıyfalarğa bilgelängän xezmätkärlär belän tanıştırudan başladı. Üze ğämäli keşe bulğanlıqtan, urınbasarı itep – gumanitar ölkädäge akademik Mirqasıym Ğosmanovnıñ quyıluın äytte. Ğomumän Äxmät Mazxarov kadrlarğa zur iğtibar birä bulıp çıqtı. Ul akademiädä xäzerge köndä 60 yäşkä qädär 23 protsent qına keşe eşläwen äytte. 60 yäştän artqannar 77 protsent ikän.

Bügen akademiäneñ byudjetı barı - 118 million sum ğına. Urtaça xezmät xaqı 3 meñ 600 sum. Dimäk yäşlär kilüe ikele.

Tatarstan üseşe öçen aqıllı balalar, yäşlär kiräklegen dide Äxmät Mazxarov. “Sälät” oyışmasına zur ömetlär totuına basım yasadı. Äxmät Mazxarov

Yäşlärne ber tübägä tuplarğa kiräk. Balalar häm yäşlärne uqıtıp akademiädä eşlärlek bulsınnar.

Matbuğat oçraşuında Tatarstannıñ yaña innovatsion proyektlarına da tuqtaldılar. Mäsälän üzebezdä böten tänne, başnı tikşerä torğan tommograf buldırılğan. Ul çit ilnekenä qarağanda 5 tapqırğa arzanraq dielde matbuğat oçraşuında. Şuña da qaramastan çit illär belän xezmättäşlek nığı ğına bara ikän. Uzğan atnada Äxmät Mazxarov Finlyandiädä bulıp qaytqan. Anarğa çista benzin çığaruda yärdäm itüne sorap möräcäğät itkännär. Äxmät Mazxarov

Çit illär bezneñ belän xezmättäşlek itärgä teli. Tizdän 3 akademik cıyılışına bara. Saxa-Yäqutiä, Başqortstanda häm min yaña akademik oçraşaçaqbız. Başta bezgä respublika akademikları belän aralarnı nığıtırğa kiräk. Annan Mäskäwlär häm çit illär belän…

Äxmät Mazharovqa anıñ urınbasarı akademik Mirqasıym Ğosmanov quşıldı

Amerika belän soñğı waqıtta biş kitap çığardıq. Anda bezneñ avtorlar da bar. Läkin qayberläre çit ilgä säfärgä kebek bara. Şunısı ayanıç.

Matbuğat oçraşuında neft' eşkärtü, äylänä-tirä moxitne saqlaw turında şaqtıy küp söylänelde. Äxmät Mazxarov tabiğät'ne pıçratuçı bulıp berençe çiratta zavodlar tügel, ä maşinalar tora dide.

Landış Xarrasova

XS
SM
MD
LG