Bolğarstannıñ qara diñgez buyında urnaşqan Varna şähärendä bügen Üzäk häm Könyaqkönçığış Yevropa illäre prezidentları oçraşıp töbäktäge iqtisadi häm säyäsi mäsälälär turında fiker alıştı. Şulay uq Yevropa Berlegenä yaqınayu säyäsäte turında da süz bardı. Summitnı açqanda, Bolğarstan prezidentı Georgi Parvanov, Könbatış Balkadağı demokratiä yazmışı töbäkneñ Yevropağa qarağan säyäsätenä bäyle, dip belderde. Prezidentlar töbäktä eşlärgä telägän eşquarlar belän dä oçraşaçaq. Mondıy summitnıñ berençese 1994nçe yılda uzğan ide. Berençe cıyında Üzäk Yevropa illäre, Avstriä häm Germaniä wäkilläre qatnaşqan bulsa, bügen Varnağa Germaniädän alıp Bolğarstanğa qädär, İtaliädän Ukraina prezidentları cıyılğan ide.
