Accessibility links

Cäberläwgä qarşı komitet AQŞ xisabın iğlan itte


BMOnıñ cäberläwgä qarşı komitetı, AQŞ, totqınnarnı cäberläwne tuqtatırğa tieş, dip belderde. Bügen Genevada Quşma Ştatlarnıñ terrorğa qarşı suğışta totqınnarğa mönäsäbäte turında xisap tıñlandı. BMO komitetı Waşingtonnı, yäşeren törmälären, şul sanda Kubadağı Guantanamo bazasın yabarğa çaqırdı. Çığış yasawçı Fernando Marino Menendez, Cäberläwgä qarşı konvensiäneñ bozıluına misallar kiterelde, dide:

"Bez Kubadağı Guantanamo bazasın yabarğa çaqırdıq, soraw alğanda konvensiädä tıyılğan qayber ısullarınıñ qullanılğanına misallar kiterdek."

Waşington Kubadağı törmäsennän Söğüd Ğäräpstanğa 15 söğüd totqının cibärgän. Bu eş Söğüd Ğäräpstannıñ tışqı eşlär ministrı Säüd äl-Faisalnıñ AQŞ säfärennän soñ Riyadh belän kileşenep başqarıldı. Pentagon xäbär itüençä, bügenge köndä Guantanamo törmäsendä 460 totqın qala.
XS
SM
MD
LG