Accessibility links

шимбә, 10 декабрь 2016, Казан вакыты 10:05

19 may- Tatarstan matbuğat köne


19 mayda Tatarstan başqalasınıñ üzäk - Bauman uramı ber genä köngä bulsa da mäğlümat çaraları uramına äwerelde. Monda respublikanıñ barlıq ğazet – jurnalları, internet - basmaları, teleradiokompaniyäläre üzläreneñ uquçıları, tıñlawçıları belän oçraşuğa çıqtı.

Uram başında uq “Yazılu sarayı” nda här keşe üze telägän basmağa taşlamalar belän yazıla aldı. Annarı inde “Söyembikä” jurnalı häm “Şähri Qazan” gäzite poçmağı eşläp kilsä, urtadaraq “Yalqın” jurnalı, “Tatarstan yäşläre”, “Çayan” satirik jurnal, “Tatarstan” häm “Yaña ğasır” tele – radiokompaniälär, “Tatar radiosı” tamaşaçılarnı törle bäygelär, büläklär belän qızıqsındırıp üzläre yanına çaqırıp tordı.

Bu bäyrämdä uram tulı gäzit, jurnal, törle istälekle büläklär, kürgäzmälär balqıp tora ide. Här basma yäki radio, televidenie kanalı üzeneñ qabatlanmas ikänlegen isbatlarğa tırışa. Şunda uq tämle azıqlar, eçemleklär bu könneñ matbuğat tuyı ikänen iskä töşerä. Ä äbünäçelär belän yazılu ütkärüçelär öçen bu bik faydalı säğätläre buldı. Telägän keşe şunda uq üzenä gäzit – jurnal yazdıra.

Kiçke säğät 7 gä taba Bauman uramı buşıy başladı, küplär Şalyapin häykälennän yıraq bulmağan urındağı säxnäne uratıp aldı. Törle estrada törkemnäre, cırçılar başta rusça, annarı tatarça çığış yasap xalıqnı qızdırdılar. Monda da matbuğat turında onıtmadılar. “Salawat süze” gäziteneñ täqdim itügä citkändä säxnä aldında meñnärçä keşe cıyılğan ide. Xäzergä bu gäzitneñ tirajı cıyılğan xalıq sanınnan kimräk, ämma bu täqdim itü matbuğat bäyräme bu könneñ iñ qızıqlı mizgelläre buldı dip sanıy yäş yegetlär häm qızlar. Menä şundıy qızıqlı tamaşalar bardı uzğan comğada Bauman uramında.

Gölnaz Şäyxetdin

XS
SM
MD
LG