Accessibility links

җомга, 9 декабрь 2016, Казан вакыты 20:23

Atmağan ayunıñ tiresen büleşälär


20 mayda Rusiä kommunistlar partiäseneñ Başqortstan bülekçäse üzeneñ xisap-saylaw konferensiäsenä cıyıldı. Älege konferensiägä äzerlek ifrat qatlawlı, ğauğalı şartlarda bardı. Başqortstan citäkçelegeneñ iqtisat-sotsial'' häm milli säyäsäten kisken tänqit utına totuçı Başqortstan reskomınıñ berençe sekretare, milläte buyınça tatar bulğan Rinat Ğäliev yaqlılarğa Vladimir Nesterov citäkçelegendäge ber törkem kommunistlar qarşı çığa. Rinat äfände Ğäliev süzlärenä qarağanda, Vladimir Nesterov törkemen Başqortstan prezidentı Xaqimiäte başlığı Radiy Xäbirov oyıştırğan häm ul alarnıñ ideologik citäkçese dä bulıp tora. “Başqortstandağı berdänber oppozitsion partiä bulğan kommunistlar partiäsen dä alar üz qullarına alırğa, anıñ başına üzläreneñ awızına ğına qarap torğan keşene quyarğa niätlilär”, - di Rinat Ğäliev.

Başqortstandağı xällär qatlawlı bulu säbäple Rusiä kommunistlar partiäseneñ Üzäk komitetı älege konferensiäne ütkärüdä qatnaşu öçen dürt wäkilen Ufağa cibärgän. Şularnıñ berse, Üzäk komitet sekretare, Rusiä Däwlät Duması deputatı Yuriy Afonin “Azatlıq” radiosı öçen birgän interv''yusında Başqortstan kommunistları arasında kilep çıqqan qapma-qarşılıqlar artında räsmi xakimiätlär häm qayber oligarxlar tora dide. Anıñ süzlärenä qarağanda, partiädäge liderlar da eş turında tügel, ä partiä aşa Rusiä Däwlät Dumasına häm Başqortstan Qorıltayına deputat bulu turında ğına xıyallanalar.

Konferensiä eşe Ufa waqıtı belän irtänge säğät unda başlanırğa tieş bulsa da, üzara ğäyepläwlär, ızğışular arqasında ul 16 säğät 30 minutta ğına quzğalıp kitte. Älege xäbärne birgändä konferensiädä kommunistlar tirläp-peşep üzara dömbäsläşä ide äle.

Kärim Yauış, Ufa

XS
SM
MD
LG