Accessibility links

сишәмбе, 6 декабрь 2016, Казан вакыты 21:08

Prokuratura möftineñ öndäwen tikşerä


Yıl başında seksual' azçılıq Mäskäwdä ge-parad uzdırırğa cıyınuı turında xäbär itkän ide. Monı işetü belän Üzäk diniä näzaräte başı möfti Tälğät Tacetdin alarnıñ sabağın uqıtırğa çaqırdı. Bu turıda ul “İnterfaks” mäğlümat agentlığına ireşterep, här normal' möselman häm pravoslavlar da şulay eşläyäçäk dip ışandırdı. Mäskäw şähäre başlığı Yuri Lujkov älege tantanalı yöreşne uzdıruğa röxsät birmägän. Şulay buluğa qaramastan, möftigä ul süzläre öçen cawap birergä turı kilüe ixtimal. Eş şunda, “Salawat küpere” isemle xäyriä häm xoquq fondı başı Ruslan Zuev möftigä cinayät eşe açunı sorap General' Prokuraturağa möräcäğät itkän. General' Prokuratura möräcäğätne Meşçin rayonara mäxkämäsenä cibärgän. Anısı älege eş urında qaralırğa tieş dip, Başqortstan Prokuraturasına cibärgän. Prokuratura möftineñ ul öndäwenä xoquqi bäyä biräçäk. Ägär ul möfti faydasına bulmasa, cinayät eşe açılaçaq.

XS
SM
MD
LG