Başqortstan yäşlär eşläre idäräseneñ elekke räise Rämil Xisametdinov yaña xäräkät oyıştırdı. Ul “Yaña Başqortstan” dip atala. Anıñ maqsatın oyıştıruçılar xakimiätne alıştıru öçen dip añlata. Xäräkätneñ 20-21 may könnärendä oyıştıru konferensiäse bulıp ütte. Ul Beloret rayonınıñ Usmangilde awılı yanında tabiğät qoçağında uzdı. Anda 12 rayonnan kilgän 70 delegat qatnaştı.
Yaña xäräkät cäy aylarında räsmi terkälep, säyäsi programmasın eşläp, közen 500 delegat qatnaşlığında qorıltay uzdırırğa cıyına. Başqortstannıñ berläşterelgän oppozitsiäse başı Rämil Bignov yäş xäräkätne xakimiätneñ kesä xäräkäte dip isäpli. Anıñ uyınça, ul oppozitsiägä al'ternativ räweştä maxsus oyıştırıla.
