Bügen biredä Britaniä premyer ministrı Tony Blair Ğiraq xökümäte tözelgännän soñ Ğiraq yaña başlanğıçta tora dip belderde.
Ğiraq premyer ministrı Nuri Kamil äl-Mäliki belän urtaq matbuğat oçraşuında Blair 2003-nçe yılda AQŞ citäkçelegendäge xalıqara köçlär Ğiraqqa kergännän soñ tözekländerü eşläre kötelgännän ozaqqaraq suzıldı häm qıyınraq buldı dide.
Blair Ğitaqta terrorçılıqnıñ däwam itüenä bernindi dä aqlaw yuq dide.
"Xäzer terrorçılıq häm qan qoyunı däwam itüçelär üzlären berni belän dä aqlıy almıy. Ägär qayberäwlär üzläreneñ säyäsi protsesstan töşerep qaldırılu mömkinlegenä borçıla ikän, xäzerge protsess härkemne üz eçenä ala. Ägär keşelär ildä xalıqara köçlärneñ toruına borçıla ikän, bezne monda näq menä köç qullanu totıp tora, Bezne monnan tınıçlıq cibäräçäk" dide Blair.
Blair Bağdadta şimbä könne yaña xökümät eşkä kereşkännän soñ Ğiraqqa kilgän berençe çit il citäkçese.
