Accessibility links

җомга, 9 декабрь 2016, Казан вакыты 20:32

Renat İbrahimov tatar tarixı belän qızıqsına başlağan


Renat İbrahimov soñğı waqıtta Qazanğa yış qayta başladı. Küptän tügel “Cide yoldız” Xalıqara festivalendä cırlasa, tizdän “Aq Bars” xokkey komandasınıñ ciñüenä bağışlanğan çarada qatnaşaçaq ikän. 68 yılda Mäskäwgä kitep urnaşıp, Minski, Soçidağı festival'lärdä qatnaşqan ciñülär yaulağan millättäşebez xäzer tatar telendä dä şaqtıy cırlar cırlıy başladı. Kästümendä dä Tatarstannıñ embleması – Aq bars yasalğan. Bu minem üzemneñ ideyä ide dide Renat İbrahimov.

Xäzer Renat İbrahimov Çallı yegetlärennän torğan “Bolğar” törkeme belän çığış yasıy. Qayçandır Zahir Nasıybullinnıñ “Saq-Soq” isemle törkeme ide bu. Al'ternativ tatar muzıkasın başqaruçılar bulıp tanılıp alar çit illärdä dä törle festival'lärdä qatnaşıp ciñülär yauladılar. Renat İbrahimov

Xoday şulay quşqandır, üzläre minem yanğa kildelär Mäskäwdä bulğanda

Renat İbrahimovnıñ älege törkem belän cırlawı anıñ icatına yaña sulış östägän. Piramida da görläp uzğan konsertta näq şunıñ näticäseder. Konsertta pop-roq stilendä häm klassik cırlar kübräk başqarıldı. “Magnoliä”, “Ay bılı-bılım” cırlaırn tamaşaçı bik yarattı. Közgä Renat İbrahimovnıñ “Bud' so mnoy” (Minem belän bul”) digän yaña al'bomı çığaçaq. Soñğı waqıtta Renat İbrahimonıñ tatar tarixı belän qızıqsınuı da artqan. Renat İbrahimov matbuğat oçraşuında Mäskäwneñ iñ elektän tatarlar qalası buluın, başqa küp kenä şähärlärneñ atmaları tatarçadan alınuı turında söyläde. Renat İbrahimov matbuğat oçraşuında buş waqıtlarda talğın klassik köylär tıñlawın, yäisä bötenläy tınlıqta utırırğa yaratuın äytte.

Landış Xarrasova

XS
SM
MD
LG