Neft tabıusı häm eşkärtewse töbäk bularaq Başqortostan neftkä bäyle barlıq kürgäźmälärgä lä źur iğtibar birźe. Oşonday yul menän Respublika üźenä yañı partnerźar eźläy. Bıltır ütkärelgän kürgäźmälä, energianı transportlaw institutı yetäksehe Äxğät Ğümärov äytewensä, respublika ösön uñaylı kileşewźär töźölgän. Neft tabıu häm eşkärtew tarmağı respublika qaźnahın tulılandırıusı töp sığanaq bulıp qala. Ämmä Respublika yetäkseläre älenän-äle neft aqsalarınıñ Mäskäwgä kitep torowına rizahıźlıq belderä. Federasia şurahı räyese Sergey Mironovtıñ Öfögä eş säfäre barışında la budjet-ara mönäsäbättär tikşerelde. Federasia şurahı räyese äytewensä, federal üźäk menän töbäktär arahında wäkälättärźe büleşew turahında tik köslö töbäktär menän genä höyläşergä mömkin.
