Accessibility links

Berźäm däwlät imtixandarı başlandı


Sığarılış sinıf uqıusıları ximianan imtixan birä. Bıl fände mäktäpte tamamlawsı 40 meñdän aşıu uqıusı arahında tik 2 meñgä yaqını ğına haylağan. İrtän respublika buyınsa 70 urında imtixandar başlandı. Üź belemen hınap qararğa teläwselär bıyıl küberäk. Mäğärif ministrlığı wäkildäre bını berźäm imtixandıñ bötä yuğarı uqıu yorttarına tierlek uqırğa inew mömkinlege birewe menän añlata. Yıl hayın imtixandıñ bınday törönän tik 4-5 bala ğına baş tarta. Mäğärif ministrlığında nisek kenä bulmahın YeGE älegä attestasianıñ ber törö genä bulıp qala, aldağı yıldarźa imtixandıñ ikense törö bulırğa teyeş tinelär. Berźäm Däwlä imtixandarı höźömtälären Räsäyźeñ mäğärif ministrlığı qaramağındağı barlıq uqıu yorttarı la qabul itäsäk. Respublikala ular yetäw. Medisina universitetınıñ ber faqültetına ğına berźäm imtixan höźömtäläre qabul itelä, qalğan faqültettarınğa imtixan birergä käräk. Başqortostan Räsäy mäğärif ministrlığınıñ bıl täjribähendä 2002 yıldan qatnaşa.

Başqortostanda balalarźıñ yäyge kanikuldarı başlandı. Yul xäräkäte imenlege däwlät inspeksiahı ata-äsälärgä maxsus möräjäğät qabul itte. İnspeksia tap yäyge kanikuldar mälendä balalar qatnaşlığında yul fajiğäläre artıuı turahında iźkärtä. Yıl başınan 40-tan aşıu bala häläk bulğan. Yäy aźna hayın 3-4 bala maşína aźtına elägä.
XS
SM
MD
LG