Accessibility links

сишәмбе, 6 декабрь 2016, Казан вакыты 19:16

Gruziä, Ukraina, Azärbäycan häm Moldova GUAM oyışmasın üzgärtte


Kievta Gruziä, Ukraina, Azärbäycan häm Moldova prezidentları GUAM törkemen yaña xalıqara oyışmağa äwerelderde. Anıñ yaña iseme Demokratik häm iqtisadıy tärräqiät oyışması -GUAM . Ukraina prezidentı Viktor Yuşçenko regional xezmättäşlek Yewropağa tulı integratsiä yulı bulaçaq dide. "Älbättä haman da küp kenä qıyınlıqlar qala, şul isäptän ütkärgeç torbalar, timer yullar, maşina yulları tarifların berläşterü. Bu eş alda kötep tora. Ämma 4 prezident häm alarnıñ xökümätläre bu mäs'älälärne çişärgä niätli. Bu Yewropağa tulısınça integratsiä öçen zarur yul, häm bez şul yuldan baraçaqbız" dide Yuşçenko. Gruziä prezidentı Mixail Saakaşvili yaña oyışma Bäysez Däwlätlär Berdämlege çişä almağan problemalarnı çişä alır dip ömetlänüen äytte. Azärbäycan prezidentı İlham Aliev yaña oyışma beräwgä dä qarşı tözelmi dide.

XS
SM
MD
LG