Accessibility links

дүшәмбе, 5 декабрь 2016, Казан вакыты 23:53

Yewropa Berlege Montenegro referendumın tanıdı


Yewropa Berlegen kiñäytü komissionerı Olli Rehn Montenegro bäysezlek referendumı uñışlı ütkännän soñ Yewropa Berlege axır çiktä bu ilne äğza itep alu maqsatın quya dide. Bügen Brüsseldä Rehn Yewropa Komissiäse Balkandağı bu yaña il belän tığızraq elemtä turında söyläşülär ütkärergä täqdim itäçäk dip belderde. Yewropa Berlege Montenegroda yäkşämbe könne ütkän referendumda bäysezlek öçen tawış birügä xörmät belän qarawın belderde häm başqalarnı da referendum näticäsen qabul itärgä çaqırdı. Bügen iğlan itelgän räsmi näticälärgä qarağanda, tawış birgän saylawçılarnıñ 55.5 protsentı bäyselekne yaqlağan. Montenegroda ütkän referendum näticälären Rusiä tışqı eşlär ministrlığı da qabul itte. Gruziädän ayırılırğa teläwçe Abxaziä häm Moldovadan ayırılırğa teläwçe Dnestr buyı töbäge bu referendumğa xuplaw belderde. Abxaziä citäkçese bu başqalar öçen ürnäk dide. Referendum aşa bäyselek alğan montenegrolılarğa Tatar ictimağıy üzäge räise Tälğät Bariev ta qotlaw yulladı.

XS
SM
MD
LG