Accessibility links

Кайнар хәбәр

Tatar ictimaği üzäge Marat Mölekov isemen yörtä başlawı ixtimal


Tatar ictimaği üzäge oyışqannan birle di äytergä mömkin gel tarqawlıqta. Läkin, büleneşü zur itep 1993 yılda başlandı. Ul waqıtta uq inde, ike Tatar ictimaği üzäge barlıqqa kilgän ide. Läkin, 1996 yıldağı ictimaği üzäk qorıltayında yañadan berläşü buldı. Annan soñ da, tınıç qına eşläp kitälmäde bu oyışma. Milli xäräkätneñ inde sülpänlänä barğan çağında, bulmağan buqçanı küplär bülep mataştı. Läkin, ber idärä barıber saqlanıp kilende. İnde uzğan yıldan birle, Tatar ictimaği tağın ike qanatlı. Bersen Yunıs Qamaletdinov citäkli, ikençesen, Tälğät Bariev. Soñğısı qulında, ictimaği üzäkneñ rämi dokumentları häm piçäte. Ä Yunıs Qamaletdinov citäklägän qanat, 27 mayda, Qamal teatrında üzeneñ çirattağı plenumın uzdıra. Yunıs Qamaletdinov bu xaqta Azatlıqqa xäbär itte

İctimaği üzäk plenumında ike mäs’älä qaralaçaq, berse oyışmağa, üzäkneñ berençe prezidentı Marat Mölekov isemen birü, ikençese, Tatarstan suverenlığın yaqlaw mäs’äläse. Tälğät Bariev citäklägän oyışma berni belän dä şöğellänmi, alar qulında şul bina da , piçät kenä bit. Bez bıyıl ğına da 27 piket quydıq

Yunıs Qamaletdinov buldı. Ä Tälğät Bariev isä bu plenum utırışın tanımıy häm ayırım räweştä, 11 iyündä Bolğarda plenum ütä dip belderde

Räsmi Tatar ictimaği üzäge 11 iyündä Bolğarda üzeneñ plenumın uzdırırğa cıyına. Bez, 27 maydağı plenumnı tanımıybız. Alar ber törkem keşelär genä. Ä 11 iyündä respublikada tatar telen yaqlaw buyınça köräş mäs’äläsen kütäräçäkbez. Soñğı yıllarda, Tatatsratnda tatar telenä iğtibar kimede. Şul uñaydan bez, tatarça xezmät kürsätmägän şirkätlärne boykot yasarğa çaqıraçaqbız. Bu zur çara. Ä oyışmanıñ bügenge xälenä kilgändä, anda telefon özelgän, eektr utı şulay uq yuq. Tülärgä aqça bulmaw säbäple. İnde, bezne ul binadan çığarmaqçılar ide, waqıtlıça qaldırdılar. Bu binanıñ statusın üzgärtü östendä eşlibez. Anı Tatar xalıq yortı itärgä niät. İnqilabqa qädär, tatarlar yäşägän här şähärdä mondıy yortlar bulğan. Şunda uq Tatar ictimaği üzäge dä eşläyäçäk

Sez Tälğät Barievnı tıñladığız.

Räfis Cämdixan

XS
SM
MD
LG